فيسبوك
واتساب
بشحت منك البسما
بتتقل ولا كارهنى
راسم وشك برسما
تحيرنى تتوهنى
بشحت منك الحنيا
وبالقسوة تعاملنى
قلبى ليك مهوش ليا
قلبك ليه بيهملنى
بشحت منك الكلما
ولو مرة تكلمنى
بتدبح وسكينتك تلما
بتقتلنى وتؤلمنى
لو حبى ليك هان
يضيع بيك الأمان
بدعى فى كل أدان
ربى منك ما يحرمنى
قريتها خلاص فــ عنيك
بتحب كتير حوليك
والكل يحبوا فيك
وتملكهم وتملكنى
فـ بحورك صعب أعوم
خايف أكون موهوم
فى نهار كله غيوم
وأفوق بعد ما تسبنى
صوتك أحلى همسا
هواك أحلى نسما
لو تخدعنى أنساك
وأرضى خلاص بالقسما
وأشحت منك البسما
صورة أرشيفية
