إسماعيل عبد الهادى يكتب: آهين.. وآه.. يا بلــــــــد!!

السبت، 02 نوفمبر 2013 08:27 م

صورة أرشيفية

قوليلى مين يا بلــد *** فيكِ اللــــــى غلطــان؟
حيرتينى يا بلـــــــد *** ما بقاش فيكِ أمـــــان
ذنبه إيـــه الولـــــد *** حارس حدودك ينهـان
واقف بعـــزم وجلـد *** صابر على الحرمـــان
لاجل يصونك يا بلـد *** ويحميك من الغربـــان
عايشين مرارة ونكد *** والكـــل بقى حيــــران
بقينا كمــــالة عـــدد *** وإبليس مننا زعـــلان
أخدنا منــه المــــدد *** ومثلنا دوره بإتقــــان
وعود وطــــول أمد *** والكــل بقــــى كسلان
خصومة بعند ولدد *** وصراع فى كل مكان
امتى حالك يابلــــد *** ينصلح ونعيش فى أمان؟