مصر بالنسبة لنا إيه
مصر بالنسبة لنا حِكمة
ولا كِدبة ولا كِلمة
ولا شوق جوانا دايماً
كل يوم نتغنّىَ بيه
مصر بالنسبة لنا إيه
الحضارة والشرارة
والمهارة والأمارة
إننا بنضيع ولكن
حضنها بندفّىَ فيه
مصر بالنسبة لنا إيه
مصر مش نهْبه وتكيّه
مصر مش سَهلة وهفيّة
مصر رمز كبير وعايش
واحنا هنحافظ عليه
مصر بالنسبة لنا إيه
مصر شريانها ضميرنا
مصر مش محتاجة غيرنا
غير سواعد شعب عارف
قيمة الحصوة ف إيديه
مصر بالنسبه لنا إيه
هى بالنسبة لنا نِعمة
واحنا من غيرها بنعمى
ياما توهنا وياما ضِعنا
ملل كنا بنقاسيه
مصر بالنسبة لنا إيه
فيها شيعه فيها سُنـة
فيه مسيحى وسط منـا
كُلنا عايشين ف خيرها
واللى يتعب بتواسيه
مصر بالنسبه لنا إيه
هى أصل وهى صورة
والأميرة بالضرورة
واللى بيحاول يخونها
تجرى وبسرعة تجافيه
مصر بالنسبة لنا إيه
فيها نكته وضحكة صافية
هى مصدر نسمة دافية
فيها إحساس فيها طيبة
شىء ما نقدرش نداريه
مصر بالنسبة لنا إيه
فيها شىء ما أقدرشى أعَبر
عنه مهما بِعِدنا يكبر
حتى وإن قسيت علينا
حُبها إيه هيساويه
مصر بالنسبة لنا إيه
صورة أرشيفية
مشاركة
اضف تعليقاً واقرأ تعليقات القراء
مشاركة
