فيسبوك
واتساب
فى عز ما احنا بعقلنا
لازم لنا شوية جنون
علشان نعيش
فى عز ما احنا فى يأسنا
لازم نحس
إن الأمل ما بينتهيش
لازم نحب الدنيا
ونحب الحياة
ننسى مرار أيامنا
نحلم ما نتمناه
نحلم نعيش حلمنا
والحلم يسرقنا
من حزننا وهمنا
تخطفنا أشواقنا
نضحك على الأحزان
ونصالح الأفراح
دا عمرنا أيام
نعيشها ليه فـ جراح
نبعد عن الشيطان
ولا يوم نسلم ليه
نلجأ إلى الرحمان
نرمى حمولنا عليه
هو اللى قادر يشفى أوجاعنا
لوبس نفتكره ونلجأ ليه
احنا اللى كده قاسيين على روحنا
وبننسى إنه كل شىء بإديه
صورة أرشيفية
