سامح لطف الله يكتب: مفيش فايدة..

معرفش ليه يا سعد
قلت مفيش فايدة
مرت سنين وأيام
ما بانت الفايدة
من بين بنات القمر
اخترتها عايدة
فوق الخدود تفاخ
تنظر إليه ترتاح
تِتْبَسم الشَفَتِين
أحلف دا أحلى صباح
كُحْل العيون ربَّانى
ورموش ستاير ليل
وابحث على رمَّانى
ع الخد ألف دليل
طل البياض كالفجر
فى لون عيون عايدة
لونها ولا الفيروز
أبْدع إله الكون
اتنظَّمت ألوان
مهما أكون فنَّان
مش هظْبُط الصورة
منين يا بنت الناس
قالتْلى "منصورة"
واشرب فى خمر الكأس
تهرب خطوط عايدة
فصيت كمان صورة
تكسر بيبان الهوى
فاتتها مكسورة
أبحث وشوش الناس
واحدة ورا واحدة
ألف مصر وأدُور
ما لقيت عيون عايدة
وعرفت ليه يا سعد
قُلت مفيش فايدة..