محمد زكريا حبيشى يكتب: كأنى ملكتك

كأنى ملكـتك
وعايزِك تكونى
لقلبى وبس
كلامِك وصمتِك
جمالِك ووسامتِك
دموعِك وضحكِك
كتير عَلمونى
معاكِ أحس

وحاسس بأنى
عرفتك وحاسِك
من أربع سنين
وأنا بس شايفك
من أربع دقائق
وألاقى مشاعرى
وقلبى وروحى
ماليهم حنين

يا نجمة وعالية
بَشب أنى أطولها
ولكن محال
وأحاول أشوفِك
يداريكِ خوفك
أشرق وأغرب
وأبعد وأقرب
وحضنك خيال

وعايزك تدوبى
ف قلبى وعينى
وروحى كمان
تحسى بمشاعرى
كلامى وشِعرى
تداوينى فرحة
وقلبِك ياخدنى
لبر الأمان

ملامحك حياتى
يا ورده ونداها
بيسّحر قلوب
عليكِ وبسأل
وقلبِك بيتقل
وبُعدك ليالى
يفوق احتمالى
وبسرح وأدوب