فيسبوك
واتساب
وبتترددى ليه تقوليها
وتحسسى قلبى بغناويها
هى دى كلمة كتيرة عليا
ولا الشوق بينا هيبنيها
كلمه بقالى شهور محتاجها
حتى إن كانت شايلة عذابها
كلمة حب خلاص قوليهالى
اوعى تحطى جسور على بابها
حضنى ف حضنك رمز حنانك
قلبك أصبح ليه سجانك
ليه ويايا بتخدعى نفسك
ليه بتعيشى كتير حرمانك
جوه القلب النبض اترمّل
نبضى خلاص ما بقاش مستحمل
إنك تُهجرى قلبى ف ثانيه
محتاج نبضك لجل ما أكمل
بتفرقنا كتير أيامنا
بتّكسر كل اللى ما بينا
بس إزاى هرحل واسيبك
وأنتِ السر ف سحر الجنة
فيه خيط بينا رفيّع ماسك
قلبى بقلبك وباحساسك
وإنك لما تخافى تلاقى
حارس واقف من حراسك
صورة أرشيفية
