م. مجدى عزيز يكتب: فيه واحد بيحبك

فـيـه واحـد بـيـهـمـك
مشـغول بك وبأمـرك
وشايـل دايـما هـمـك
وحـاطـك جـوه عـنيه

من نظـرته ف عينيك
بيـشوف جـوا عينيك
إيه بيجـرى حوا ليك
ويـفـهـم تـقـصـد إيه

عـمره ما سابك وحدك
لا ف سعدك ولا يأسك
ويوم ما الدنيا تعاكسك
بترمى الـحـمل عـلـيه

فـيـه واحـد بــيـحـبـك
وبيسهر على راحـتك
على طول واقف جنبك
وأنـت بـتـقـسى عـليه

حـبـه دا حــب أكــيــد
كـله جـديـد ف جـديـد
ويـوم عن يـوم بـيزيد
ومانتاش حاسس بيه

سهران لك طول لِيله
الـشـوق طَوّل لِـيلـة
بيـسأل إمتى تجـيله
وتـفــتح قـلـبك لِـيه

فـيـه واحـد بــيـحـبـك
دوّر عــنه ف قــلـبـك
قلـبـك يبقى يـقـول لك
مين هـوا اللى شاريه

مـشـغـول عـنـه لـيـه
مـشـغـول عـنه بـإيـه
وبدون حبـه وهـواه
الدنيا دى تـسوى إيه

روح قـول له آلاماتك
ده عـذابـك وسـكاتـك
طول عـمرك وحياتك
راح هـا يـفـيـدك إيـه

لـيه تـشرّق وتـغــرّب
لـيـه مـنـه بـتـتـهـرب
روح عـنده واتـقـرب
دى سعادتك ف أيديه