رفيدة محمد عبد المنعم تكتب: حروف حرة

الأربعاء، 09 أكتوبر 2013 03:22 ص

ورود

اضف تعليقاً واقرأ تعليقات القراء

لسه ضفايرى مضفورة فى صبح العيد
وواقفة ماسكة بلونة ولبسى جديد
ندانى وقالى يا حلوة
عيونك يا غزال شارد كسهم الصيد

.....
لسه ضفايرى مضفورة ومطوية
وتحت الرمش عيون حرة وصعيدية
وكام مقتول وساح دمه
مافيش فى الحب له دية

.....
لسه ضفايرى مضفورة بشريط أحمر
ومسحة مسك فى كفوفى من الأزهر
تعالى أرقيك يا محبوبى من الأحزان
بكفى المسك وطيب قلبى هتتعطر