أشرف صلاح الدين محمود يكتب: اكتبوا قلبى فى المواليد

الأربعاء، 09 أكتوبر 2013 07:05 ص
أشرف صلاح الدين محمود يكتب: اكتبوا قلبى فى المواليد صورة ارشيفية

مشاركة

اضف تعليقاً واقرأ تعليقات القراء
اكتبوا قلبى فى المواليد .. قلبى اليوم دا طفل وليد
قلبى فى أول نبض حياه .. عمره باديه من عمر هواه
وياريت عمره يبقى سعيد
اكتبـوا قلبـى فى المواليــد
************
اكتبوا اسـم محب بـرئ.. فى أول خطوة فى أحلى طريـق
مدن الحب دى ليه عنوان .. حايعيش فيها فى ضل أمان
فـيهـا الـفـرح يغـنـى نشيـد
اكتبــوا قلبـى فى المواليــد
************
اكتبـوا قلبـى مولـود فيـن .. فى بستـان ورد وياسمين
فى أحلى ربيع جه بالأزهار.. زهرة ولمست الأوتار
خلـت شمعــة حبـى تقـيـد
اكتبــوا قلبـى فى المواليـد
************
مولـود فى الدنيا دى كبير .. لغته ما تحتاج يوم تفسيـر
هى الباقية فى كل أوان .. فيها الكلمة نغم كروان
املوا فى كـل الكون زغاريد
اكـتبـوا قلبـى فى المواليـد
****************





مشاركة






الرجوع الى أعلى الصفحة