فيسبوك
واتساب
اسمع ياولدى كلمتين.. حلقة فـ ودانك
بلدك وجيشك.. حب تصهره فـ كيانك
تعلمه.. وتكبره.. وتورثه لأحفاد ولادك
قول ياولدى... حفظت ياوالدى كلامك
هو دا ياولدى جيشك من وقت مينا
هو ده اللى قال عنه محمد نبينا
خيرة جنود الأرض وقت الحرب
ولو فى يوم فكر غريب لينا.. يعادينا
هو دا جيشك اللى حارس كل أرضك
لما تحتاجه تلاقيه واقف فى ظهرك
إيد بتبنى... والثانية فيها السلاح
فى انحياز للشعب.. عند حسن ظنك
والخلاصة... جيشنا عندنا خط أحمر
ووصيتى وعهدى يا ولدى لما تكبر
تبقى من خيرة جنود بلادك
تبذل حياتك..تفدى بلادك.. لم تفكر
صورة أرشيفية
