الحلم اتحقق يا بلادى
والفجر طلعله نهار
والنصر جايلى على ميعادى
ومسحنا كلمة عار
عدينا الساعة اتنين
ضباط وجنود صايمين
ونوينا نصلى المغرب
ومعاها النصر يقين
كبرنا بسم الله
عبرنا قناة ومياه
ونصبنا رءوس وكبارى
وفطرنا بعد المغرب
وقائدنا كان وسطينا
ما هو مصرى فؤاد بجوارحه
وغالى عزيز منينا
حاربنا الست ساعات
كتبنا تاريخ بطولات
دمرنا قلاع الرهبة
خطينا الخطوة الصعبة
قضينا الليل فى حروب
حررنا دروب ودروب
وأسرنا كتير م الكفرة
قرآن إنجيل فى إيدينا
صابرين عازمين على سينا
حررنا الأرض الطاهرة
وقهرنا قلوب أعادينا
أكتوبر داوا جروحنا
والصابرة رجعت لينا
يا شباب افدوها بروحكم
لو حاولوا يعودوا أعادينا
يا شباب افدوها بروحكم
دى مصر حياتها فى سينا
علم مصر
مشاركة
اضف تعليقاً واقرأ تعليقات القراء
مشاركة
