هى الحكومة عاوزة مننا إيه بالضبط، ده حتى بيقولوا الضرب فى الميت حرام، هى العملية ناقصة عشان يفرضوا علينا ضرائب جديدة مش كفاية الى إحنا فيه، وبنعانى منه كل يوم من جشع التجار الى كل شوية يرفعو الأسعار بسبب وبدون سبب وبعدين إيه "الخصم والإضافة" دى إلى طلعت لينا فى المقدر جديد، مش كفاية ضرائب المبيعات وضرائب الدخل والضرائب العقارية كمان حيخترعوا لينا الخصم والإضافة لمصلحة مين كل ده.
وبعدين الفلوس دى كلها اللى هتتحصل من الضرائب هتروح فين؛ لما كل حاجة فى البلد خربانة لا فى تعليم مناسب ولاعلاج كويس ولا نقل ولا مواصلات ولا أمان، البلد بتضيع والحكومة بتفكر فى جمع الفلوس ده كل إلى يهمها.
نداء للمسئولين حسوا بينا حرام عليكم مش معانا فلوس نأكل أولادنا، وأنتم بتفكروا فى الخصم والإضافة، ده أحنا عمرنا هو اللى بيتخصم، فين قيمتنا إحنا الأول عندكم.
أطالب الحكومة أن تكف عن هذه المهاترات وتقدر حجم المسئولية أو على الأقل تقدر الظرف الراهن الذى تعيشه البلاد الذى لا يسمح مطلقا بمجرد إثارة مثل هذه الاقتراحات، كما أن المواطن المصرى أوشك على الانفجار، ولا يمكن بأى شكل من الأشكال تقبل فرض أى ضرائب أو تحصيل أية رسوم إضافية، الوقت الحالى لا يسمح بافتكاسات أو مجرد الكلام عن تحميل المواطن أعباء إضافية، من الحكومة التى لا تتوانى عن البحث والتنقيب عن أساليب جديدة ومبتكرة لتفتيش المواطنين ووضع يدها باستمرار داخل جيوبهم.
صورة ارشيفية
مشاركة
اضف تعليقاً واقرأ تعليقات القراء
مشاركة
