فيسبوك
واتساب
اسألى قلبى اسأليه
حبى ليكِ شكّله إيه
فيه ليالى الفِكر طالت
وأنتِ شوقك بتداريه
ليه مجرد كـُنت ضيفك
عِشت سرحان وسط زيفك
لما حبيت يوم أأقرب
شُفت تلج ف عز صيفِك
كان هواكِ لحد تانى
كنت ليكِ قلب جانى
كنت نُقطه بين سطورك
وسط كراسة أمانى
ليه حنينك كان مداعبة
وأنتِ ليه بالقلب لاعبه
كنتِ فعلا محتجانى
ولا كانت بس لعبة
غدر قلبـِك شايلهولى
والبُكى ليـه وصفهولى
فيه كلام جواكِ حاير
وبعيونك سألهولى
كنت يوم محتاجه مال
يومها قلبك ليا مــال
وابتدت مِنك محبة
وانتهت فينا الآمال
قولى مشتاقة وآسفة
للحنين جواكِ واصفة
بس مهما تقولى ليّا
قلبى ليكِ مش هيصفىَ
ابعدى عنى وروحى
يا أمل قلبى وروحى
وانسى إنى أنسىَ ظـُلمك
يا سبب حزنى وجروحى
صورة أرشيفية
