البراءة فى عيونها
تحكى عنها فى ميت حكاية
أما روحها متتوصفشى
فى قصيدة أو رواية
شايفه فستانى ياماما
أحلى أنا ولا العروسة
الكسوف غرق عنيها
لما ماما اديتها بوسة
وشها بدر البدور
ضحكها بيزيدها نور
م الشموع قادت تمانية
لسة فى عمر الزهور
مين يقول فستانها الأبيض
اللى كانت فرحانة بيه
راح يكون فى ساعات قليلة
لون كفن ملفوفة بيه؟ !!
وإن نورها ينطفى فجأة
ينقلب الفرح قهرَة
والدموع والصمت يملوا
دنيا عيلة م المفاجئة
أه يامريم ياضحية
مين فى سنك له خَطية
ولا يعرف فى العداوة
ولا إيه معنى الأذية؟ !!
احفروا يوماتى قبور
والطموا.. شُقوا الصدور
واهتفوا "حق الشهيد
راح يعود".. يازماننا دُور
علُّوا فى هرم الحقوق
موش هيحصل أى شىء
إلا لما يوم نفوق
والخُطا تلقى الطريق
اللى جانى ياخد جزاؤه
وأهل مجنى عليه يلاقوا
القصاص ييجى ف ميعاده
موش كفاية فراقه داقوا
لو هنفضل زى مااحنا
أبشروا جاى ألف محنة
وألف مريم م الضحايا
وألف طعنة تزيد جراحنا
وألف شكوى وألف بلوة
وألف غنوة وألف قصة
كل قصة بدون نهاية
دا الضمير موش فى المراية
راح يبان لكنه فينا
حكِموه تنهوا الحكاية
الطفلة مريم
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
محمد
القاهرة
الففففففففففففففففففف رحمة
عدد الردود 0
بواسطة:
علي باشا
الله يرحمك يا مريم يا جميلة
الله يصبر أهلك
عدد الردود 0
بواسطة:
سوزان
اااااااااااه يامريم ياجرح السنين
عدد الردود 0
بواسطة:
غاوى
رحمتك يارب
عدد الردود 0
بواسطة:
المنياوي واحد بس
مصر
الف رحمه ونور عليكي يامريم
عدد الردود 0
بواسطة:
المنياوي واحد بس
مصر
الف رحمه ونور عليكي يامريم
عدد الردود 0
بواسطة:
kader
الله يرحمك يا مريم
الف رحمه ونور عليكي يامريم الله يصبر أهلك...
عدد الردود 0
بواسطة:
رامي
الملاك الصغير
عدد الردود 0
بواسطة:
عبد العظيم الأزهري
اللهم عليك بالمجرمين