فيسبوك
واتساب
فك الحزام شويه هيزيد مرتبــــــــــــــــك
معدش يوم ما تقبض الهم هيركبــــــــــــك
الحد الأدنى كافى تعيش عليه سنــــــــــــه
والحد الأقصى طبعا بعيد عن اشنبـــــــــك
. ..
فك الحزام شويه وافتح للخير مكــــــــــان
ولو ان المعده قفلت ونشفت من زمــــــــان
وبطل تانى تمشى تبحلق للمطاعــــــــــــم
وابعد مناخير سيادتك عن مطبخ الجيـــران
. ..
وياريت كمان توسع هدومك القديمـــــــــــة
وتلبس اكس لارج واسع فضفاض وقيمـــة
وشوف جزار قريب بيتوصى وطيـــــــــب
وكل شهر اعمل لاولادك وليمـــــــــــــــــه
. ..
وأن كنت نسيت مكان الفكهانى إللى جنبــك
روح أتعرف عليه واحكى وافتحله قلبــــــك
وقوله آخر يناير هجيلك بالبشايـــــــــــــــــر
والحد الأدنى هو اللى هيخلينى أحبــــــــــك
. ..
وامسك نفسك شويه متقولش الخير كتيــــــر
وتبعزق فى المرتب وتعيش زى الوزيــــــر
وكفاية ربع لحمة أو نص كيلو كرشـــــــــة
وكفاية فرخة بيضة لو جالك ضيف كبيـــــر
أرشيفية
