الحب ماهوش مجاملة
ولا حاجة نهادى بيها
مش هقدر أقول بحبّك
غير للى هحس بيها .
عارفك ميالة ...شايف
عينك دايمًا تقول
لكن أنا قلبى ...آسف
بغرامك مش مشغول
مش شايف فيكى عيب
راح اقول إيه اللى ناقصِك؟
لكن الشىء الغريب
إنى مش قادر احسِّك .
يمكن شايفانى حلمك....
دا شعور غالى عليّا
بس أنا عمرى ما شُفتك
أكتر من أخت ليّا .
لو كنتى إنتى ف مكانى
كنتى هتقولى زيِّى
عارفاه عايش عشانى
لكن ما لمسش قلبى.
لوكان ف إيديا قلبى
كنت أمرته يحبِك
كنت هقولُّه يا قلبى
حِبْ اللى أملها حبك.
صورة أرشيفية
مشاركة
اضف تعليقاً واقرأ تعليقات القراء
مشاركة
