فيسبوك
واتساب
بحبك حب يا عُمرى
برغم إنك مجافينى
وباشتأقلك كدا اكمنى
هواك سحره بيحيينى
نقشت اسمك
على كتاب الهوى وردة
نداها الشوق
وبستانها نسيم طارح
وبسكر أيوه
بين حضنك وبستنى
تجينى ف يوم
وانسى الهم واتصالح
وأعيش أحلامى وسنينى
أنا بتمنى أشوف قلبك
يدق بسرعة فوق بابى
ويجى الفرح يندهنا
يا كل ما ليّا وحبابى
وألاقى السعد واخدنا
وألقاك نسمه ف كتابى
وألاقى عينيك تواسينى
وأنا ف بعُدك حاولت أنسى
آهات ما كنتشى قدامى
لقيت معنى الهوى ف قلبى
شموع صحت لى أحزانى
وأبات حيران أداريها
وألاقى الهمّ موالى
وليه م الهجر تكوينى
صورة أرشيفية
