حجاج فراج يكتب: بياع البطاطا

اسمى عمر ومهنتى. ..
بياع بطاطا..............
ولما كانت خطوتى..
لسه يدوبك تاتا تاتا....
كانت أمى تسأل يا عمر
راح تطلع إيه؟ دكتور
أبويا لا لا مهندس....
وعشان بأحب المدرسة
أنا كنت نفسى أكون مدرس
لكنى فجأة مات أبويا......
وماتت معاه كل الأمانى
وبقيت وحيد ومعايا أخويا
ولقيتنى فجأة شخص تاني
با بيع بطاطا...............
قلت لنفسى أحسن ما أشوف
من أى حد نظره شماتة....
كسرت حزنى ما عادش خوف
وندايا كان سخنه البطاطا....
نزلت أبيع والناس كتير. ...
لا ف ثورة ليا ولا سياسة...
أنا النهاردة فى التحرير.....
وبكره تلقانى فى كرداسة...
راضى بحياتى وكان ده...
حظى من الحياة...........
عيش حرية عدالة اجتماعية
كان ده الهتاف فوق الشفاة...
وأنا أبيع لده وكمان لدى...
ولا قلت آه...................
أنا مت ليه حد يجاوبنى......
ده أنا يدوب بياع بطاطا...
الموت بسرعة جه وخدني
وتمنه كام ابن الغلابة.....
أنا الشهيد اللى اتقتل........
وذنبه كان بيع البطاطا....