فيسبوك
واتساب
كل حياتنا غش فى غش
نقلع وش ونلبس وش
وإياك تنسى وتعمل صالح
الصالح دلوقتى مبيعش
يوم فكرت أن أفضل عادى
من غير وش ومتحولش
كان يوم أسود زى النيلة
والشمس يوميها مطلعتش
طبعًا حاجة لازم تعرفها
متفكرشى تكسب قرش
أول واحد قابلته يوميها
قال إن أنا خنقة ومألزش
والتانى قال إن أنا مخبول
وكلامى أهبل ومحدقش
أما التالت كان واد فالت
قال تطلع مين أنت يا صعلوك
طبعا رأيك ميهمش
حتى مع أقرب ناس حواليا
قالوا يا عينبى دى حالة مرضية
اصبر يا حبيبى متزعلش
كل ده كان عشان فكرت
فى يوم إن أنا مكدبش
أنا متأسف جدًا يا ضميرى
شفت حولت ومقدرتش
حتى اليوم اللى أنا قلت حبقى طبيعى ..
ومتحولش .. مكملش
صورة أرشيفية
