نصر الدين محمود سالم يكتب: الوطن رخصت غلاوته

الثلاثاء، 22 أكتوبر 2013 04:08 ص

علم مصر

اضف تعليقاً واقرأ تعليقات القراء

كل واحد مننا عايش لوحده
وكل واحد ليه حكايته
ضحكته تشمت فى أخوه

باينة أوى قدام مرايته
مين بيعرف الحقيقة
يقول عليها
أو يقول إيه الطريقة
أو مقالة نحس فيها
كلنا حكام وبس
والوطن رخصت غلاوته
كل واحد فينا حاكم
عايز يحس بالفخامة
والرياسة ف المرايا
يشوف فخامته

والضمير مضحوك عليه
وانتماء مقطوع إيديه
ومهما تكبر دنيتك
لو تكتر ضحكتك
والضمير جواك أوى
وتعيش غنى
بالفلوس أو بالنفوذ
بالرخيص روح اشتريه
من غير أمان
من غير حنان
من غير شجر
من غير حيطان

وابقى قولى لو لقيت
ريحته وحلاوته