فيسبوك
واتساب
من ألف ليلة هنا
هربانة ست الحسن
هى إللى عاشقة الضنا
ومدورة ع الحزن
.....
من ألف ليلة شوق
هربانة ست الناس
هى إللى بصت فوق
غوت النجوم الماس
.....
من ألف ليلة هديل
سهرانة ع الشباك
أم العيون كالنيل
متصادة جوه شباك
.....
من ألف ليلة حروف
متعلقة ع الباب
رافعة الرجا والخوف
من فرقة الأحباب
.....
من ألف ليلة سهر
تحت الشجر فى الحى
عشقوا الصبايا القمر
واتعلقوا بالضى
......
من ألف ليلة أمل
متعلقين ع الباب
الحلم الأخضر أفل
واتسرسبوا الأحباب
صورة أرشيفية
