حجاج فراج يكتب: عشرة زمان

لما كنا إحنا زمان صغيرين
كانت قلوبنا خضرا مليانة حنين
كانت البراءة فى عنينا وعلى الجبين
والضحكة صافية تسعد القلب الحزين
كان الشتا برده يدوب فى دفا القلوب
واحنا اجتمعنا من الشمال ومن الجنوب
حتى وجعنا فى حبنا تلقاه يدوب........
ولا كان ما بينا يوم خطية أو ذنوب.........
أحلامنا كانت زينا طاهرة وبريئة........
وحلمنا يوم لحلمنا يصبح حقيقة......
وقلوبنا كانت وقتها صافية وجريئة...
قلوبنا ليه اتغيرت صارت غريبة.........
عشرتنا كانت أقوى من غدر الزمان
العشرة ليه هانت علينا وإللى كان...
فجأة لقينا مننا من باع و خان........
وإللى فى قطر الندالة حجز مكان...
وإللى باع نفسه لمنصب أو لجاه....
وإللى ضلت خطوته وطريقه تاه...
وإللى الندم حيكون صديقه ومنتهاه
ساعة ما تحصد إيده ما زرعه وجناه
يا كل أصجابى وأهلى الطيبين........
أنفاسنا مهما العمر طال معدودين....
ما بينا كان الحب كان عشرة سنين
والحب باقى أما مصيرنا تراب وطين