ياللى متجوز وعندك عيال
ياللى شايل على كتفك جبال
ياللى مهموم ومشغول البال
ياللى بتحارب زى الأبطال
ياللى علطول مخنوق
ياللى ف رقبتك طوق
ياللى آخر الشهر مذنوق
ياللى بتاكل الفتات بس بحلال
ياللى مطحون ونسيت نفسك
ياللى مجروح ومكتوم حسك
ياللى دايما شغلك حبسك
ياللى مربوط ومتكتف بحبال
ياللى خايف م الجوع
ياللى ع الدنيا مسروع
ياللى ف عنيك الدموع
ياللى جيبك فاضى من المال
ياللى مبقتش حر
ياللى شارب المر
ياللى شبابك بيمر
ياللى بقيت صفر ع الشمال
ياللى بالك محتار
ياللى ماسك النار
ياللى أعصابك بتنهار
ياللى إيدك ماطلبت سؤال
ياللى مخنوق من الزحمة
ياللى نسيت طعم اللحمة
ياللى حوليك مفيش رحمة
ياللى شايل أتب زى الجمال
ياللى بتسبح الخلاق
ياللى سايبها على الرزاق
ياللى مفيش ف قلبك نفاق
ياللى ربك هيسرلك الحال
ياللى على ربك بتتوكل
ياللى بربك بتستعين
ياللى بحلالك بتاكل
ياللى أجرك يوم الدين
أرشيفية
مشاركة
اضف تعليقاً واقرأ تعليقات القراء
مشاركة
