ناجى الغيطى يكتب: الإشارة فتحت

زحام وصوت كلكسات
مالى المكان
تراب. . دخان.. كلام ستات
بدون عنوان
وفـ الزحمة لمحت عجــــوز
على رصيف الحياة فارشه
وفى عنيها كلام محبـــوس
مصدر للحياة الطــــارشة
وماده إديها للمـــــــــــــارة
جايز إنســـــــــان
يحن عليها
أو فـ عنيها
يلمح قسوة الأيام
فيعطيها
لكن هيهات
ياللحسرة!


على رجليها طفل برئ
على جبينه وجع وهموم
باصصلى بعينه بصة لوم
كأنه بعــــينه بيــقولى
بتاكل إزاى وسـايبنى
نموت مـ الجوع أنا وأمى
بمد إيـديا لــيه بالأكل
لمحت فى عينه نظرة فرح
بتلومـنى وتشـكرنى
فى نفس الـوقــت
وفجأه سمعت صوت بيقول
يا ملاكى الإشـــارة فتـحت
ودا بكلــمة ودا بشــتمه
ودى بتقولى يا مســـطول
ساعتها ضحكت واتحركت
وأنا لسان حالى بيقولي
يا ريت الناس تحس ببعض