يا صلاة العيد
ازرعى الرحمة فى قلوب الساجدين
امحى الضغينة من قلوب المُسلمين
علمى المُسلم يعنى أيه دين
قربى المسيحى من المُسلمين
طهرى قلوب الجاحدين
ذكرينا إننا موحدين
يا صلاة العيد
اللى حقده اتملك منه
واللى اتحول غصبن عنه
دا صاحب عقل أصغر من سنه
فاهم إننا أغراب عنه
وعايزين ناخد المنصب منه
اتغرر بيه سامحيه مسكين
يا صلاة العيد
وزعى الرضا فى السجود
فهمى البشر ما فيش خلود
وإن الكفن لا من حرير ولا من جلود
وإن اللى برحل لن يعود
وإن الدم من الحدود
وإن أهل الشهيد مش مبسوطين
يا صلاة العيد
رددى فى سورة الناس
احرقى الوسواس الخناس
اللى وسوس فى صدور الناس
شيطنها بدون أدنى أساس
أشعل فتنة بدون إحساس
وقع بين المصريين
يا صلاة العيد
رجعى الفرحة للحزين
رجعى السطوع للجبين
احقنى الإيمان فى الإكسجين
نورى خطيبك الأمين
بدعاء يهدى العالمين
وأنا والكل نقول أمين
أمين أمين أمين
صورة أرشيفية
مشاركة
اضف تعليقاً واقرأ تعليقات القراء
مشاركة
