فيسبوك
واتساب
ندرا عليا السنه دى لادبح قطيع خرفـــــــان
هديه منى لحبابى المرجله الجدعــــــــــــان
هادبح خروف منهم للجيش ورجالتـــــــــــه
وادبح خروف للقياده وفارس الفرســـــــــان
......
و(نبيل) كمان الشهيد هادبح عشانه خــروف
اللى اتقتل بالرصاص بإيدين غبى حلـــــوف
وكل فارس شهيد هاضحى علشانــــــــــــــه
علشان ينوبنى كمان زى الشهيد معـــــروف
......
مانة اللى يضحى يضحى للثـــــــــــــــــورة
اللى لولاها ما كانت مصرنا حـــــــــــــــــرة
واللى لولاها ما كنا خلصنا من الإخــــــــوان
وكان زمان الشباب طفشان على بــــــــــــرة
......
خايف أقول (للسيسى) هادبح عشر خرفــــان
أحسن يقولوا عليّه فى أى شىء طمعـــــــــان
أنا كبرت خلاص داخل على السبعيــــــــــــن
لكن وجاه النبى أنا بيه كتير فرحـــــــــــــــان
......
يارب وحياة حبيبك مد لينا ايديـــــــــــــــــــك
وانا عارف انك كريم ومصر غاليه عليـــــــك
وفق يارب الجميع لحب مصر عشــــــــــــان
الخير يزيد للجميع وإحنا لجأنا إليـــــــــــــــك
......
صورة أرشيفية
