فيسبوك
واتساب
جربتى الظلم شوية
جربتيه يا بهية
شفتى ظلم ولادك ليكى
بس مابينهم
طلع الفارس
غنى فى حبك
أحلى قصيدة
رسمك صورة
وأنت عفية
شامخه لفوق
بعد مشافك
وأنت مريضة
بس حتبقى
حبيبتى وليدة
والله بحبك
يا أمى يا غالية
ودليل حبى
رفعى الراية
عاليه لفوق
بكره حبيبتى
الحاله تروق
وابعت ليكى
أحلى هدية
تورتة كبيرة
منحوت فيها
صورة بطلك
تسلم إيده
رافع إيده بيحكي
أصل اللى اختار
يبقى فداكى
ويبيع عمره
لأجل هواكى
يبقى ضناكى
حضنك يامه
كبير وكبير
كله حنان
حضنك لما يلم الكل
يبقى شعورنا
كله أمان
قومى حبيبتى
شدى الحيل
كل ولادك جيل ورا جيل
حالفين ييجوا يحيوا الزفة
قايلين لازم تعلى الكفة
كفة مجدك
تعلى لفوق
بكره ياعمرى الحالة تروق
والله أخدنى ليكى الشوق
نفسى تبقى
فوق الكل زى زمان
نفسى أسمع صوتك
يدوى فى كل مكان
يالا يا زهرة
ارفعى رأسك
دايمًا فوق
وأنا حبيبتى مستنية
وحليفى الشوق
صورة ارشيفية
