فيسبوك
واتساب
فرحانة بتزقطط
وماسكة فستانها
أخضر وبيلالى
والجزمة من لونه
وكعبها عالى
قلتلها يا صبية
فرحانة يا عنية؟
قالتلى يا عمو
مش بكرة هنعيِّد
ولربنا نصلى
والدبح للخرفان
ونعلق الزينة
م المدنة للجامع
وينور الشارع
ونلعن الأحزان
عيونها مبتسمة
طايرة ورا النسمة
بفرحة الخلان
أمانة يا فرْحى
طببْ أنين جرحى
وإكتب على الجدران
طلَّقنا أحزانا
يا نسمة الجنة
مكتوب لنا الغفران
يا عيدى هنعيد
وقلبنا الجيد
لمصر بر أمان
خروف العيد
