حجاج فراج يكتب: أطفال الشوارع

مين مننا فى حياته عاش
من غير خطية..........
مين مننا تلقاه برئ...
فى الدنيا ديه.........؟
مين مننا ما باعش...
ولا مرة القضية......
مين مننا الجلاد.....
ومين فينا الضحية...
أنا طفل لكن ف الحياه
عمرى كتير...........
وقلبى كهل رغم أن
شكلى يبان صغير...
ولا عندى أهل ولا ف الوطن
ليا نصير..............
و لا كان بأيدى أن ده
يكون المصير........
مع أن فى كتاب الوطن
ابن الغفير له نفس حق
ابن الوزير.............
وصفونا قالوا إننا......
أطفال شوارع........
ولا حد حس بهمنا....
ولا حد سامع........
خلوا الشوارع أمنا.....
حضن الكبارى يضمنا
نحكيلها دايمًا عا المآسى
وعا المواجع..........
كل اللى عنا بتكتـــبوه.....
ما بيرضنيـــــــش.....
كل الصراع اللى أنتوا فيه
ما يهمنــــــــــــــــيش...
أنا بس خوفى أن الأمل. ....
ما يبصليــــــــــــش....
مع أن مطلبى ف الحياة
أنى أعيش..................