تحت الأرض مكانا
وميعادنا و هيجيلنا
ولا نقدر نتأخر
ولا مرة بإمكانا
نقدر نمحى زمانا
وقلوبنا بتتحجر
مالك غَرك مالك
إيه يا قلبى جرالك
وإنت ضعيف وصغيّر
إيه أخرتها أمالك
وبتشغل بيه بالك
علطول بيه متحير
سيب الأمر لصاحبه
ليه الذنب تصاحبه
رغم أنه دهب قشرة
ليل العشق وساحبه
بعيوبك ليه زاحمه
بينه وبينك عِشّرة
موهوم ليه ع الدنيا
رغم أنها ليك فانية
سيبلك ذكرىَ شريفة
وبتحسب بالثانية
تكسب مرة وتانية
وأتاريك كسبان جيفة
وتجمّع فـ كنوزها
وبتفرح بنفوذها
وتحبها من قلبك
لو فكرت تعوزها
راح تلويلك بوزها
وتزود لك كـَرّبك
حالك ليه من حالها
ليه مسحور بجمالها
وبتنسى إنك راحل
ليه بتروح تِشكيلها
وتحاول تـَشكيلها
ودا شئ مش بالساهل
يالله استغفر ربك
قبل العمر ما ياخدك
وابنى و إوعاك تهدم
عُمر بحور من دمعك
ما هتنزل يوم قبرك
وحدك بس هتندم .
أرشيفية
مشاركة
اضف تعليقاً واقرأ تعليقات القراء
مشاركة
