راضى على الطهطاوى يكتب: عمالك يا مصر

مصر لمَّا فى يوم تنــادى = تقول ولادى الكــــل رد
عايزه اشوف الرمل زرع = عايزه أشوف الشوك دا ورد
ليل نهار مصـــــــنع بينتج = أبدا ً ما اعوزش فى يوم لحد
عايزا ناس تبنى تعــــــمر = مكن يزمَّر عرق وكــــــد
فى العمل عزه وكرامــــه = حصن ضد الفقر ســـــد
عقول وشمس معايا ونيل = شباب كتير طاقة ويــــد
دا المكن لو صوته نـــــام = شعب مات حلمه تهــــد
نقطة عرق تدى حيــــــاه = تصنع كرامه تبنى مجد
دا العمل فرض وعبــــاده = على بنت كانت أو ولــد
دا البطاله سوس بينخر = مصدر جريمة صداع نكد
إيد بتعمل تبقى طاهرة = ليها هيبه تقول أســــد
ألف بوسه فوق جبينكــم = ألف شكر كمان بجــــد
شباب ورادى سهرانين = دا الحلم قدامنا استــجد
تحيه للمكن اللى دايــــــر = واللى شمـَّر حيله شـــد
انتوا الأمل جوانا باقـــــى = حضن الأمان روح البلد
عزم الرجال شق الجبــال = قطف الثمار زرع وحصد
أكلك بإيدك تبقى حــــــــر = دا القوة إنتاج مش عـدد
نخلص عمل ننتج ونـدى = يبقى بكرة أحلى غــــــد