فيسبوك
واتساب
بما إنى بعيد ماجاليش دعــوة
والغُـربة بتـدى صاحبها العُـذر
وقالـولى بإنى مـــاليش دعــوة
وأنا كده مش شايل حِمل الوِزر
بس أنا برضه هاقولك حــاجة
يمكـــن تطلــع فيهـا ســــذاجة
وإذا شوفتى إنهـا فيهـا فجاجـة
ياتذيعى يا تنسى وتعملى حَظر
بمــا إنـى بعيـــد شـــايف إنـك
متغيـــر مُـــــودك مـن مُـــــدة
ساكتة وبتعاندى ف سوء ظنك
ف اللى بياخــــدك تـانى لـرِدة
لا إنتــى بتقسى ولا بتطبطـى
ولا عَنــدك نيــة إنـك تغضبى
ولا حتـى بتبكـــى وتتعصبـى
ولا ســــايبة عَـزيمتك تتحـدى
بمــــا إنى بعيـــد قلقــان جـــداً
لما ارجع تـــانى لمين هانحــاز
للى ف مـــالطــــة لســـه بيدن
ولاّ لخيـالات ســـاكنة التلفـــاز
إيه نــــوع التُـهــم اللى تليق لى
ميــــن هيخــــوّنْ ويبــرّق لـــى
وبمين يرضى ضميرى وعقـلى
وازاى ممكــــن أحــل الألغــاز
بما إنى بعيـد والصورة غيام
مش نــاوى اتهـور واستعجل
بس الخَنقة وتُـقـل الأيــــــام
رافضة قــرارى بإنــى أأجل
واللـــى مطمّـن قلبى شـــوية
إنـــك مش عِـزبة ولا تكيـــة
لجبـــــان أو نــدل بسـوء نية
عـــــايز أحــلامك تتبـرجــل
مع إنى بعيـــد لسه مصـدق
إنــك باقيـــة وزَبَـدِك زايــل
واللى نكرتيه ولسـه بيعشـق
ممكن برضه يسوّى هـوايل
قادر مع وجعه يقـــوم قومة
ويصحصح حلمـك م النومة
لاتبـاتى حزينــة ومظلــومة
ولا تتسنّدى على حـال مايل
أشرف الشافعى
