محمد حامد حسين يكتب: عفواٍ انقطع الإرسال

عفوا انقطع الإرسال
فأليكم بعض كوارثنا
وسببها بس الإهمال
قطار يصدم أتوبيس
ودماء غطت كراريس
وأطفال حفظة قرآن
ودموع خلف الكواليس
وحكومة تشجب وتعزى
وتعوض والسعر بخيس
واتحفظ المحضر فى الدرج
بالشمع الأحمر والدبابيس
وقطار آخر متهالك
عرباته مربوطة بمشابك
وعربية أخيرة بعساكرها
يا حظها خبطت غيرها
وقطار أخر يصدم تاكس
مين كان صح ومين كان عكس
وبيقطعوا هنا الأرسال
وده كله سببه الأهمال
عفوا تنقطع الصورة
وعمارة سقطت فى المعمورة
ويا عينى صاحبها راجل غلبان
ومقاول بانى بدون عمدان
ومين كان شايف
سبعة أدوار والباقى مخالف
وطلعوا من تحت الأنقاض
وزى ماهو التليفزيون
واحد مات والباقى مصابون
ومش هيا دى الحقيقة
الحقيقة مدارية
والضحايا ألوف
ولو عيشنا ياما هانشوف
عفواٍإنقطع الأرسال
فأنا على القسم مسحوب
عديت الحد المطلوب
مش لازم أتكلم ولا أقول حاجة
والأخر هألبسها قضية
والخلق هاتفضل ملهية
واللى عايزنى يجئ يشوفنى
قبل ماينقطع الإرسال
عفوا انقطع الإرسال