أحمد عبد الغنى يكتب: فى الميدان

فى الميدان مسحول يامصرى فى طريق بالجثث مرصوف
وقفت تهتف للحرية ضربوك عسكر بشوم وطلقات وكفوف
وحكامك سجانك قتلوك من سنين قهر وخوف
كان كل حلمك وانت فى طابور العيش ملهوف
تأكل وتشرب بأمن وكرامة من غير ذل و لاكسوف
وضميرك اللى واجعك يقول لك دا الكفن ملوش كفوف
وكله يابن أدم مصيره حفرة محفورة بجاروف
ولا يفيد الندم ولا الدموع ولا الحرير والصوف
هتقابل ربك ازاى يا للى قاتل شعب بوش مكشوف
فى الميدان شهيد وملايكه حواليه .. تدعيله وتطوف
وأخرتك يا مصرى لو مش عادية .. تبقى بطلق مقذوف
مطاطى او دخان .. او خرطوش .. وبالعلم ملفوف
نصلى عليك فى جامع او كنيسة ويدعولك الوف