يا أم العواجز طمّنى الزوّار قصيدة لسعيد حامد شحاتة

السبت، 26 يناير 2013 08:56 ص

الشاعر سعيد حامد شحاتة

اضف تعليقاً واقرأ تعليقات القراء

مصلوبة روحك فوق حيطان الدار
موجوعة روحى بضربة الجلاد
قلبك مهيّأ يشتهينى نهار
قلبى المهيّأ مشتهيكى بلاد
يا أم الضفاير ورد ف البنوار
لسّاكى أمّ ولسّه فيكى ولاد
إحنا العيار اللى اتوهب للتار
وانتِ انتصار الصمت ع الأشهاد
يا صمود جريد النخل ف التيّار
يا قصيده لمّا يهدّنا الإجهاد
مصلوبة روحك فوق شواشى النار
موهوبه روحى مناهده واستشهاد
يا ام العواجز طمّنى الزوّار
وخدينى سيف لمواجهة الأوغاد
- أنا شاب لكن عمري- ميت قنطار
أنا عود بخور من روح فؤاد حداد

التعليقات 7

عدد الردود 0

بواسطة:

وليد عامر

2013/01/26 10:41 AM

جميل جدا

عدد الردود 0

بواسطة:

النبيل المصري

2013/01/26 10:42 AM

اختزال مصر فى بيتين

عدد الردود 0

بواسطة:

ابن الرصيف

2013/01/26 10:46 AM

أنا عود بخور من روح فؤاد حداد

عدد الردود 0

بواسطة:

تقصدنا اكيد

2013/01/26 11:36 AM

يا ام العواجز طمّنى الزوّار

عدد الردود 0

بواسطة:

زوما

2013/01/26 12:00 PM

- أنا شاب لكن عمري- ميت قنطار

عدد الردود 0

بواسطة:

حداد والد الشعراء

2013/01/26 12:27 PM

أنا عود بخور من روح فؤاد حداد

عدد الردود 0

بواسطة:

زوما

2013/01/27 11:57 AM

عاجبانى دى

عاجبانى دي يا سعد
تسلم

اضف تعليق