ووزع المتظاهرون منشورات تحث المواطنين على الخروج والنزول فى الشارع جاء فيها "قالولنا شريعة ولاقيناهم بياخدوا ضرايب من الكباريهات والخمارات ويتعاملوا بالربا مع البنك الدولى، قالولنا عدالة اجتماعية ولاقينا ضرايب بتزيد على الغلابو ورفع الدعم، قالولنا حرية ولاقينا قنوات بتتقفل وصحفيين بترفع عليهم قضايا وبيتقتلوا علشان بيقولوا الحقيقة ولاقينا محاكمات عسكرية للمدنين، قالولنا كرامة ولسة الإنسان المصرى مهان فى بلده ولسه الناس بتموت من التعذيب فى الأقسام وبتموت من التعذيب فى الاتحادية وكمان مهان بره بلده وبيتجلد وبيتعذب وبيموت فى حوادث قطارات وعربيات وعلى الحدود، قالولنا نهضة وكل يوم اقتصادنا بيقع والجنيه فى النازل حد يقدر يقول فين النهضة، قالولنا دستور لكل المصريين وزوروه ومنعوا الناس من دخول لجانهم علشان يمروره، قالولنا هنجيب حق الشهداء وكل يوم براءة جديدة لنظام فاسد علشان عملوا صفقة معاهم وأسقطوا المزيد من الشهداء بملشياتهم، قالولنا أمن وأمان وكل يوم بينخطف واحد من سوهاج على أيد عصابات ساكت عليها المحافظ والشرطة كل اللى وعدوا بيه عملوا عكسه ومش كده وبس وبدأت السرقات وشراء البلد لصالحهم ولصالح قطر، أنت عارف أن مصر فيها 141 منجم ذهب، عارف مصر فيها 191 حقل بترول، وأنت عارف أن مصر المصنع رفم 1 فى العالم فى تصنيع الجرانيت، والمصنع رقم 1 فى صناعة الرخام، أنت عارف أن مصر فيها أكبر بحيرة صناعية وثالث أكبر ثروة سمكية وأكبر دولة فى إنتاج لقصب السكر فى العالم، أنت عارف أن مصر فيها ثلث أثار العالم، ورابع أكبر دولة فى إنتاج الغاز، ومع ذلك بنستورد الغاز، ومصر كانت من خمس سنين أول دولة لإنتاج القطن، ومصر فيها أهم مجرى ملاحى فى العالم قناة السويس، مصر مش محتاجه قمع وذل ومهانة علشان تمشى مصر محتاجة عدل وحرية وكرامة بجد".
