وارجع لنفسى ..افتكرنى أتخنق
واما انكسف من نفسى يملانى العرق
يملانى إحساس تانى خالص ماعرفوش
إنى ف بحر الدنيا طير
مالهوش
ف فن العوم على عومها
ومن يومها
الطير عشان اهبل غرق
--------
وتلف بيا الذاكره
ترجع لميت مليون ورا
وادى ورا ينطح ورا
ملعون زمان الفشخره
يحيا زمان النقوره
والدردحه والمرجحه
فوق مورجيحات المسخره
واللى مشى كالمسطره
مايطولش لو حتى الثرى
يلحس تراب
يفضل يشمشم كالكلاب
واللى انحرف من غير حساب
ترقص ف حضنه العاهره
تحلوله وتزيد حلا
ولما يعشقها الوله
تضحك عليه بنت الكلاب
يبكى تسيبه يتفلق
واما اتفلق
بارجع لنفسى وافتكرنى
أتخنق
صورة أرشيفية
مشاركة
اضف تعليقاً واقرأ تعليقات القراء
مشاركة
اضف تعليق
تم أضافة تعليقك سوف يظهر بعد المراجعة
عدد الردود 0
بواسطة:
واحد بيكره الاخوان وصباحي
الى الامام سر!!!
عدد الردود 0
بواسطة:
سامح لطف الله
أفتكرني أتخنق
عدد الردود 0
بواسطة:
عمرو عفيفى
اشكركم