فيسبوك
واتساب
يا جحا وايه معنى كلمة وطن
قال من سِكنك وكان ليك سكن
لا يخـتـــــارك ولا تخــتـــــاره
ولا تِفــَرق مــا بينــكــم فِتـــن
…………………….
قال ويا جحا علمنى إزاى أضحــك
قال مش لما أبأه أعرف انا قبــــلك
لو هتحسدنى على ضحكة فِـ وشى
راح أحسدك على نبضه فـــ قلبــك
…………………….
ويا جحا قـول الحـق ولا تخَفشِ
قال دة غير الحق أنا ما عرفـشِ
وإن يوم وِقُفِت كِلمه فــِ حلـــقىِ
أمـــوت زَوران ولا أكدبــــــشِ
…………………….
يا جحـا عـشــش غراب عالباب
قال ده إمــا نجاه و إمــا عــذاب
قالو امتى شُفنـا فِــــ جَيتهُ خيـر
قال وإمتى شفتو فِـ جَيتهُ خراب
…………………….
أنا جحا المصرى لوحدى دوله
عايش حيــاتى بـَـنٌــا ومـنـاوله
وَخِدها من بابهــا كِــده مقاوله
لو عايز تمَوِتنى..إِحيِينى أولى
جحا
