عمرو سلامة حافظ يكتب: القطر بعد القطر

الثلاثاء، 22 يناير 2013 09:54 م

قطر البدرشين

وكأن قدرك يا مصرى
تفضل حزين على طول
وكأنه مكتوب عليك
تعيش تعيس مخذول
القطر بعد القطر
ويجرى دمك سيول
وكأن دمك يا مصرى
لعبة حكومة وفلول
حكومة نايمة ف عسلها
وفلوس بتحشد فلول
ولا حد حاسس بحالك
مهما الزمان بيطول
تفضل يا مصرى الضحية
ولا حد شافلك حلول
مع كل كارثة ومصيبة
نسمع كلام معسول
ولا عمر حد عرف
يا خلق مين مسئول