م. عزمى إبراهيـم يكتب: أصـل إِللى بَـنَى مَصـر

اِللى بـَــنى مصـــر.. كـان فى الأصـــل حَلـَــواني
استقبل النيـــل من أخــِّـين: أثيـُـوبى وسُــوداني
هديـــة العمــــر... طــول العمــــر لهـم ممنـــون
قـال ما أنسـاش فضـلكم لـو كـل الدنيـــا تنسـاني
***
وطلـب من اللـــه لمصـر ســماء صافيـة تغطيـها
وشـمـس تسطـع بنـــورها وخيــرها... تراعيــها
وبــَــدر باســم خَجـول بلــونه الفِــضّى يتسَحـَّـب
ونجـوم جواهـر بتضوي.. مَبـْـدورة فى نواصيها
***
وقـال للربيــع مرحبــا.. جـاب له نسيمـُه رقيـــق
نبَتــت زهــور الريــاض ألــوان مدهبــة بعَقيــق
ومَيــِّــة النيــــل بتـروى الــوادى على الشـطيـن
مَيـِّـة زلال فى التِـرَع والزِلـَـع والقـلـَّة والأبريـق
***
فـَـرش الشطــوط بسـاط أخضــر خَصيـب غــالي
وزوَّق الشطيـن شجـر صَفِيـن يحرسـوه، عــالي
والبــط والـوز.. والعصفـور والنســر والكــروان
والقطــن والقمـح والبرسيـم فى الغيـطـان مـالي
***
اللــه عطــاه أبنــــاء من أفضـل عَيِّنــات النــاس
فيـهم بَسَـاطـة وخِـفــِّـة دم، ومـودة مع احسـاس
إخــلاص فى عِشـرة وعَمَــل.. ومراعــاة الجــار
أما الوطــن عنـدهم... شـرف... وتـاج ع الـراس
***
هَيــَّـأ وِلاده بأمـانــة.. فكانـوا فراعنـــة.. ملــوك
بعـَـدل وقانـون، فلا سَـيـِّد ولا عَبـْــد ولا مملـوك
فى الحــرب والســلم... أبطـــال.. ما لـهم تـــاني
فى العلـم والديـن والأخـلاق يا مُـدَّعي.. سَبقـوك
***
الديــن منـارة ف حيـاتهم.. نورها رضـا وإيمـان
والوحــدة... أسّ المواطنـة... مع تعــدد الأديــان
أسّ الحضـارة عَمَــل.. والحكــم عـــدل وقانــون
والديـن فى قلب وضمير مش كرسى فى الديوان
***
اللى بـَنى مصـر "فرعـون مصــري".. إنسـاني
أكــــرم ولاده... وأكـرمــوه... والحــُـب ربـَّــاني
وأنشـــأ مدايـــن عظيــمة من النـوبـــة للدلـتــــا
وبـَـنى أهــــرام وآثــــار.. ما بـَـنى زيـِّـهم بــاني
***
وجالها هكسوسى وفـارسى وأشـورى ويونـاني
وجالـها رومـانى وتـركى وفـرنسـى وبريطــاني
كل اللى جالـها رَحـَـل.. شــال عِـدَّتــُـه.. وانـزاح
ولما جالـها العــرب.. حيلاقـوا فين زيـّها تـاني!
***
سألـونى آدى مصـر.. وفين اللى كان لـها بـاني؟
راح فين ياترى؟ وليه سـابها؟ والجـواب جـاني
حَلـَوانى شُغـله سُكـَّر وسَمنـة وعَسَـل، يعمل إيه
بالعنـف والتمييـز والظلـم بين النـاس!؟
لـو نزرع العــدل والحـق فيها... يرجـع لها تـاني
*****