لحد إمتى يا وطن
تجرى بحور الدم
لحد إمتى هنندفن
ملمومين لم
لحد إمتى العفن
يسكن فى أرجاءك
ملقاش فى عُمره سكن
إلا فى أحشاءك ؟
يا سِكه سُكى ببانك
مشبعتيش ؟
الموت على قضبانك
ما بتحسيش ؟
مين اللى فيك يا وطن يعتبرمسئول؟
سايب الموت فينا يصول ويجول ؟
سايب الدم يجرى ويروى الحقول ؟
مين يا وطن .. قول .. متخبيش
صحى العقول اللى نايمة فى العسل
ماتدريش .. ما تدريش
------------------------
ضحايا حوادث - صورة أرشيفية
مشاركة
اضف تعليقاً واقرأ تعليقات القراء
مشاركة
