رأفت محمد السيد يكتب: قطر الموت

القطــــــر فات فات ودهس تحته ميات ميات
ياقطر الموت اسـتحلفك كفاية دم
أصبحنا كل فتره بنتجرع من جرايمك سم
ومابتفرقش مين تحت عجلاتك ولابتهـــتم
لاطفل يفرق معاك ولاكبير ولاأب ولا حتـــى أم
ولاحتى شــاب شايل عن أسرته مسئولية وهم

ياقطر الموت وقف عجلاتك بقى وماتمشـــيش
واعلن بقى ثـــــــورتك خلـــى ولادنا تعيش
ســــــرينتك وطبولك خلاص بقت ماتتطربنيش

ياقطـــــر الموت ليه اختيارك فى قتل فقير
نفســى بجد ولو مره تهف لنا وزير
يمكن ســاعتها بجد نشوف تغيير

ياقطرالموت برفض أكون شـــهيد مزلقانات
عيب وحـــــــرام وكفايه كده بقى نكبــــــــــات
لحد إمتــــــــــى حتفضل ولادنا ترددها أغنيات
القطـــــــــر فات فات ودهس تحته ميات ميات