سيد أحمد الهمشرى يكتب: ألف رحمة عليك يا جمال

برغم بعادك بسلم عليــــــــــــــــــــك كأنى بإيديا بصافح إيديـــــــــــــــك
وصورتك تملى فى قلبى وعنيــــــــه وسعات لما بفرح بشوف نفسى فيك
وساعات لما بحزن ويحتار دليلــــــى الاقى لسانى بينده عليـــــــــــــــــك
ولما بشوف الوشوش الجِبلـــــــــــــه واحس ان منهم هيطلعلى عِلــــــــه
أقول الف رحمه عليك يا جمــــــــال ومليون تحيه يا صحبى اليــــــــــك
...
برغم انك انت معشتش كتــــــــــــير لكن كنت دايما بفكرك كبيــــــــــــر
وكانت عنيك شايفه ابعد واعمـــــــق وعارفه حدود الهدف والمصـــــــير
وكنت الاسد وسط كل الوحـــــــوش وفارس وجاهز لصوت النفــــــــــير
وكان حضن قلبك دوا للعليـــــــــــل وراضى فى حياتك اقل القليـــــــــــل
ومهما تمر السنين يا جمـــــــــــــال هتفضل على قلوبنا دايما أميــــــــــر
...
برغم الزمان اللى اصبح ضنــــــين بفرسان تنور سواد السنيـــــــــــــــن
انا لسه عندى أمل تانى اشوفـــــــك واشوف اللى زيك من الملهميــــــــن
واشوف مصر تانى ابيه وعافيـــــه ونورها منور على العالميــــــــــــــن
واشوف بين ربوعها زهور المحبه واشوف بين قلوبنا الوصال والمــوده
وأقول الف رحمه عليك يا جمـــال يا نعم الزعيم الشجاع الاميــــــــــــن
...