راضى على الطهطاوى يكتب: آخر كلمة

الخميس، 17 يناير 2013 11:04 م

جانب من الحادث

اضف تعليقاً واقرأ تعليقات القراء

حد يلم
اللحم بتاعى
والعضم المتدشدش
والمتبعتر ع القضبان
**
حد يدارى العَوْره بتاعتى
بالجرانين
هاتوا ساعتى
جنب دراعى
امكن أمى
يا ناس تعرفنى
دا اللحم عجين
**
حد يصبــَّر
قلب أبويا
ويقول
لامراتى
تبقى تبلغ
منَّى سلامى
لأحلى جنين
**
واحد تانى
يبلغ بلدى
إنى ابنك
كان متـْجند
رايح يحمى
ليكى نشيدك
مات بإيدك
مات متقطـِّع
تحت القطر
بدمه المتلطـِّع
كاتب أخر كلمه
وأخر سطر
قلبى يا بلدى
" عليكى غضبان"
حد يلم
اللحم يتاعى
المتبعتر
ع القضبان