فيسبوك
واتساب
كل واحد من ضميره
ربنا بيهدى له آية
واللى دايس فوق مصيره
واللى غرقان ف الخطايا
واللى خَدها من قَصيّرُه
واللى لخبط ف الراويه
ربنا لو شاء يسامح
بس مش مُمكن يعدّى
هو معنى للتسامح
هو كامل ف التحدى
هو قادر هوجامح
مهما ناخد أو نِودّى
مهما نظلم ناس كتيره
ظُلمنا راجع لذاتنا
يومها تُسكن فينا حيره
طول حياتنا أومماتنا
وان حاولنا نلاقى جِيره
ألف كون مش راح ياخدنا
الأفاعى سنين ما بينا
بس ليه دلوقتى فاعت
والمصالح جوه مِنّا
والحقيقه بسرعه ضاعت
كل دا ربك ماهِلّنا
مهما كِدْبت ناس وذاعت
مهما تخدعنا النوايا
أو يعشش عنكبوت
مهما تُهنا بين زوايا
مهما يغلبنا السكوت
مستحيل كل الحكايه
جوه منا ف يوم تموت
صورة ارشيفية
