رفيدة محمد عبد المنعم تكتب: بنت اللذينا

بنت اللذينا مصر
عصرت قلبى عصر
نزف فى دمى النيل
ودمعى صار مواويل
تتغنى ليل ورا ليل
ولا مرة يطلع فجر
......
قاعدة ف ترابها غريبة
بين الأمل و الخيبة
وإن جاتنى مرة طبيبة
تضمنى فى القبر
......
والله يا مصر حرام
وصلك ده للأرحام
كاسك وكاس لأيام؟؟
وأمر كاس الصبر
......
شمسك وليها صباح
بيداوى فى اللى راح
ويزيد قليبى جراح
حتى فى عيد النصر
......
عرفانا ناس بانين
وآدى الشهود هرمين
نشكيكى بس لمين؟؟؟
وانتى بديتى الحفر
.....
احنا نقول لله
ونفوق حدود الآه
وانتى التاريخ حفظاه
أبوكى مات ف القصر
.....
قلبى عملكى شعار
وزرع لك النوار
لو تقتليه بالنار
يبقى فداكى يا مصر
......
غضب قليبى وثار
وهجاكى ف الأشعار
عاشقك يا ست الدار
وانتى وصالك قهر
......
عشقى سقانى هموم
صبحت كالمحموم
روحى حدا الحلقوم
تخلص فى قولة مصر