فيسبوك
واتساب
تبقى بلوة!
لو صحيت من نومى مرة ..
ونشرة الاخبار بتعلن ف الإذاعة
أو ف برنامج فضائى ..
م اللى بيبُخ النطاعة
إن مصر ماكانش فيها حاجة خالص ..
ف السنة ونص اللى فاتوا
والحياه رايقة وحلوة
والميدان كان فيه مظاهرة
للى مضايق شوية من حماته !
تبقى بلوة !!
لو طلع مصدر رياسى عشان يأكد ..
انهم مضوا كنتراتو
بعد ما اتنازلوا العساكر للجماعة
وان ثورتنا ف يناير ..
رغم كل الدم والخلق اللى ماتوا ..
للأسف طلعت إشاعة ..
والوجع والقهر والفقر الأرارى ..
كان هبوط شبه اضطرارى ..
وف ايدين النهضة بكره ..
عمرهم ماهياخدوا غلوة !
آه والله ...
تبقى بلوة .!!!
أشرف الشافعى
