سيد أحمد الهمشرى يكتب: المليارات فى البلد

المليارات فى البلد فى إيدين زعيط ومعيـــط
سرقوها أيام ما كان الشعب كله عبيــــــــــط
يا مصر ماده إيديكى ليه لكل النــــــــــــــاس؟
كل اللى ناقصك يا حلوة الوعى والتخطيـــــط
......
المليارات فى الخزن فى مغارة البشــــــــاوات
اللى فى شرم ومارينا ودولة الخواجـــــــــــات
وسويسرا فيها كنوز من ثروة المخلـــــــــــوع
دهب ويوروا وباقى الرصيـــــــــــد دولارات
......
يا مصر مدى إيديكى رجعى المســــــــــــروق
ورجعى ثروتك بالعافية مش بالـــــــــــــــذوق
أصل الحرامى غتت وعنده ضمير ميــــــــــت
محتاج لألفين قلم علشان يقوم ويفــــــــــــــــوق
......
المليارات فى البلد فى مناجم (السكـــــــــرى)
وفى ألف مصنع سرقهم التاجر المفتـــــــــــرى
وأراضى اتوزعت على شلة البشــــــــــــــاوات
(الفخرانى) عارفها وعارفها (الهمشــــــرى)
......
يا مصر يا أم الهرم يا أم القناة والنيـــــــــــــــــل
يا وادى أخضر غنى فيه الغصون بتميــــــــــــل
اوعى تمدى إيديكى للعويل تانــــــــــــــــــــــــى
يكفاكى ذكرك يا مصر فى مُحكم التنزيــــــــــــل
......