محمد زكريا حبيشى يكتب: صوت النهار

انسلخ صوت النهار
واتنبح وش الزمن
والأنين شَق الجدار
ضِعنا وبارخص تمن
واللى محتاج لينا يوم
ما التقاش منا إلا مَن

طبعنا وازداد قساوه
والضمير تاه فى الدروب
والنفوس زَادها الغشاوه
شئ ممنوش يوم هروب
ليه بنقتل شمس تُشرق
فجأة من بعد الغروب

ناس بتهْدى لنا ابتسامه
ناس بتتفرج علينا
ناس بتتمنى السلامه
ناس تبات دايماً حزينه
واللى طمعان واللى باصص
للى مُُش مالكاه ايدينا

إرضى بالمقسوم وحاول
تبنى وسط الصخر أُمه
واطرح الأمال و ناول
واستلف م الصبر هِمّه
وابتكر واخلق بايدك
كل حاجه ف يوم مُهمه

صَفّى قلبك واوعىَ تنسىَ
إننا ف الأصل واحد
شعب محتاج يوم لمرسىَ
ليه مُصّر تكون له جاحد
الحقيقه الكون عارفها
شئ ماهوش محتاج لشاهد